Asamblisti i PDK-së pa përvojë pune punësohet “ekspert për cilësinë e barnave” në AKPPM

Gëzim Shabani, djali i sekretarit të Ministrisë se Shëndetësisë, Gani Shabani, është punësuar para një muaji në Agjencinë Kosovare për Produkte dhe Pajisje Mjekësore (AKPPM).

Ndonëse në konkurs është specifikuar se kandidati që do të pranohet do të bëjë matjen e parametrave fiziko-kimikë, Shabani ka të përfunduar studimet për mjekësi të përgjithshme në fakultetin e mjekësisë, shkruan sot Koha Ditore.

Shabani në zgjedhjet e fundit komunale është zgjedhur asamblist i PDK-së në Komunën e Mitrovicës.

Atëkohë ai ka deklaruar se nuk ka kurrfarë përvoje të punës në asnjë lëmi dhe se është absolvent i mjekësisë së përgjithshme./Telegrafi/