Muzeu Metropolitan i Artit në Nju-Jork, një nga muzetë më prestigjioz në botë dhe më i vizituari në Shtetet e Bashkuara, ka në koleksionin e tij më shumë se 1000 objekte që dyshohet se kanë lidhje me njerëzit e përfshirë në krime që lidhen me tregtinë e antikiteteve. Në këtë përfundim ka dalë një raport i ri nga Konsorciumi Ndërkombëtar i Gazetarëve Hulumtues (ICIJ).
Të paktën 1109 pjesë në koleksionin e Met ishin në pronësi më parë nga individë që janë paditur ose dënuar për krime, duke përfshirë plaçkitjen dhe trafikun e artit, sipas një hetimi nga ICIJ dhe OJQ-ja Finance Uncovered.
Nga këto objekte, më pak se gjysma kanë të dhëna që detajojnë se si u larguan nga vendet e tyre të origjinës.
Raporti i ICIJ hetoi origjinën e koleksionit të antikiteteve të Met, si dhe praktikat e blerjes edhe pasi shumë kombe futën ligje që parandalonin eksportin e artefakteve kulturore historike.
Koleksioni i Muzeut Metropolitan të Artit, Nju Jork.
statuja të grabitura të Kmerit të Gjunjëzuar, të lidhura me tregtarin Douglas Latchford në Kamboxhia në vitin 2013.
