“Kosova po humb 8200 hektarë tokë”

Kosova është duke humbur shumë tokë dhe këtë do ta dëshmojmë, ka thënë për Klan Kosovës, Florim Isufi, profesor i Hartografisë në Universitetin e Prishtinës.

“Unë dhe Shpejtim Bulliqi nuk jemi ekspertë të opozitës, por jemi të pavarur dhe po punojmë ta provojmë se Kosova me Demarkacionin e ri humb 8200 hektarë tokë. Ne po mundohemi për të mirën e Kosovës dhe s’i takojmë as Pozitës dhe as Opozitës. Jemi duke punuar dhe duke mbledhur fakte që të dëshmojmë se Kosova humbë territor me Malin e Zi dhe do t’i prezantojmë të gjeturat tona sapo t’i përfundojmë”, ka thënë Isufi në lidhje telefonike në emisionin Info Magazine me Kushtrim Sadikun. /Telegrafi/