Londinezët lyejnë me ngjyrat e flamurit të Ukrainës rrugën jashtë ambasadës ruse

Një numër protestuesish kanë pikturuar një flamur gjigant të Ukrainës në rrugën jashtë ambasadës Ruse në Londër.

Të organizuar nga grupi “Led By Donkeys”, demonstruesit derdhën në rrugë ngjyrat simbolike të flamurit të Ukrainës duke përdorur karroca dore.

Shoferët dhe çiklistët u përpoqën që ta shmangnin rrugën e lyer me bojë ndërsa një protestues mbante në dorë një shenjë në të cilën shkruanin “ecni me kujdes.”

Në zonë janë parë policë, ndërsa sipas raportimeve ka pasur edhe të arrestuar.