Partitë maqedonase kundër kërkesave të shqiptarëve

Debati publik rreth Strategjisë së Zgjerimit të BE-së i organizuar nga Këshilli Nacional për Eurointegrime pranë Kuvendit, edhe një herë ka nxjerr në pah qëndrimet e ngjashme të partive maqedonase kur janë në pyetje kërkesat e shqiptarëve.

Deputetët e VMRO-DPMNE dhe LSDM-së kanë kundërshtuar njëzëri kërkesën e PDSH-së opozitare që listës së Këshillit Nacional prej 6 konkluzioneve t’i shtohet edhe një pikë që do të konstatojë shkeljen serioze e të drejtave të shqiptarëve në Maqedoni dhe nevojën për avancimin e tyre. Vota e BDI-së pro kësaj kërkese nuk mjaftoi që e njëjta të miratohet./TopChanel.