Disa zjarre malore kanë shpërthyer në natën e sotme në territorin e Kamenicës, duke kapluar hapësira të mëdha në fshatrat Zajqevc e Tugjevc.
Drejtoria e Mbrojtjes dhe e Shpëtimit, përmes Njësisë së Zjarrfikësve, është angazhuar menjëherë në shuarjen e zjarreve.
Drejtori Faik Rexhepaj ka thënë për TV Kamenica se një zjarr tjetër është lajmëruar afër Qendrës Rinore në Kamenicë, dhe zjarrfikësit që ishin në stacion tashmë janë në vend të ngjarjes dhe po e vënë situatën nën kontroll.
“Jemi duke mobilizuar zjarrfikës të tjerë për të shtuar kapacitetet tona sepse zjarret fushore në Malësi, po rrezikojnë edhe shtëpitë edhe pasuritë e qytetarëve tanë, dhe po bëjmë të pamundurën që këto zjarre të vihen nën kontroll të plotë”, ka thënë Rexhepaj.
