Veteranët e luftës së UÇK-së kërcënojnë me protestë nëse nuk jepet udhëzimi administrativ nga Ministria e Punës dhe Mirëqenies Sociale, për marrjen e pensioneve të një pjese të veteranëve, të cilët, siç thonë, gëzojnë të drejtën legjitime për t’i gëzuar ato.
Kryetari i Këshillit për Mbrojtjen e Veteranëve të UÇK-së, Xhevdet Qeriqi, tha për RTV21 se protesta do të mbahet para qeverisë dhe do të marrin pjesë të gjithë veteranët e pakënaqur.
